Kwa wanafunzi na wataalamu wanaopanga kujiunga na IFM, kuelewa Sifa na Vigezo vya Kujiunga na Chuo cha IFM ni hatua ya kwanza muhimu kabla ya kufanya maombi ya udahili kwa mwaka wa masomo 2026/2027. Chuo cha Usimamizi wa Fedha (Institute of Finance Management – IFM) huweka vigezo maalum kulingana na ngazi ya masomo ili kuhakikisha wanafunzi wanaojiunga wana uwezo wa kufanikisha programu walizochagua.
Tofauti na watu wengi wanavyodhani, sifa za kujiunga IFM hutegemea zaidi kiwango cha elimu ulichonacho, ufaulu wako, pamoja na mahitaji ya programu husika. Hapa chini ni maelezo ya kina ya sifa na vigezo vya kujiunga na Chuo cha IFM 2026/2027 kwa kila ngazi ya masomo.
Sifa za Kujiunga na Ngazi ya Cheti
(Basic Technician Certificate – NTA Level 4)
Mwombaji wa ngazi ya cheti anapaswa kuwa na sifa zifuatazo:
- Awe amehitimu Kidato cha Nne (CSEE) kwa kupata ufaulu wa alama “D” nne katika masomo yoyote yanayotambuliwa.
- Baadhi ya programu maalum, kama vile Teknolojia ya Habari na Mawasiliano (IT), zinaweza kuhitaji ufaulu katika masomo ya sayansi kama Hisabati au Fizikia.
Ngazi hii inalenga kuwapa wanafunzi msingi wa kitaaluma na vitendo kabla ya kuendelea na viwango vya juu zaidi.
Sifa za Kujiunga na Ngazi ya Diploma
(Ordinary Diploma – NTA Level 5 & 6)
Kwa waombaji wa stashahada, IFM hutambua njia mbili kuu za udahili:
- Awe na Cheti cha Awali (NTA Level 4) kutoka taasisi inayotambulika, akiwa na ufaulu wa kuridhisha wa GPA ya angalau 2.0.
AU - Awe amehitimu Kidato cha Sita (ACSEE) na kupata angalau pointi 1.5 katika masomo mawili ya tahasusi.
Ngazi ya diploma humwandaa mwanafunzi kwa ajira za kitaalamu au kuendelea na masomo ya shahada ya kwanza.
Sifa za Kujiunga na Shahada ya Kwanza
(Bachelor Degree – NTA Level 7)
Mwombaji wa shahada ya kwanza anatakiwa kuwa na mojawapo ya sifa zifuatazo:
- Awe na Diploma ya Astashahada (NTA Level 6) katika fani husika kutoka chuo kinachotambulika, akiwa na GPA ya angalau 3.0.
AU - Awe amehitimu Kidato cha Sita na kupata jumla ya pointi 4.0 au zaidi katika masomo mawili ya tahasusi.
Kwa baadhi ya programu maalum, kama Shahada ya Sayansi ya Kompyuta (BSc in Computer Science), ufaulu mzuri katika Hisabati ni sharti la lazima.
ifa za Kujiunga na Shahada za Uzamili
(Postgraduate Diplomas & Master’s Degrees)
Kwa ngazi ya uzamili, sifa na vigezo vya kujiunga na Chuo cha IFM ni kama ifuatavyo:
- Awe na Shahada ya Kwanza kutoka chuo kinachotambulika, katika fani inayohusiana, akiwa na GPA ya 2.7 au zaidi.
- Programu za MBA (Master of Business Administration) zinaweza kuhitaji uzoefu wa kazi wa angalau mwaka mmoja.
- Baadhi ya programu huweza kuhitaji nyaraka za ziada kama CV ya kitaaluma, barua ya maombi, na barua za marejeo (referee letters).
Soma pia:
