Jeshi la Kujenga Taifa (JKT) limetoa maelekezo kuhusu sifa na vigezo vinavyopaswa kuzingatiwa na vijana wanaotarajia kujiunga na mafunzo ya JKT kwa kujitolea kwa mwaka 2026/2027. Aidha, Jeshi hilo limeeleza vifaa ambavyo vijana watakaofanikiwa kuchaguliwa na kuandikishwa wanatakiwa kwenda navyo wanaporipoti katika makambi ya JKT.
Kwa mujibu wa maelekezo hayo, vijana wanaotaka kujiunga na mafunzo hayo wanapaswa kuwa na sifa zinazotakiwa, ikiwemo uraia wa Tanzania, umri unaokubalika kulingana na kiwango cha elimu, afya njema pamoja na nyaraka halali za kuthibitisha taarifa zao.
Sifa za Muombaji wa Mafunzo ya JKT kwa Kujitolea 2026/2027
Ili kijana aweze kujiunga na mafunzo ya Jeshi la Kujenga Taifa kwa kujitolea mwaka 2026/2027, anatakiwa kutimiza sifa na vigezo vifuatavyo:
1. Uraia
Mwombaji lazima awe raia wa Tanzania kwa kuzaliwa.
2. Umri na Kiwango cha Elimu
Umri wa mwombaji unatakiwa kuendana na kiwango chake cha elimu kama ifuatavyo:
A. Vijana wenye Elimu ya Darasa la Saba
- Awe na umri kuanzia miaka 16 hadi 18.
- Awe amemaliza elimu ya msingi kati ya mwaka 2023, 2024, 2025 au 2026.
- Awe na cheti halisi cha kumaliza elimu ya msingi.
B. Vijana wenye Elimu ya Kidato cha Nne
- Umri usiwe zaidi ya miaka 20.
- Awe amemaliza elimu ya sekondari kati ya mwaka 2022, 2023, 2024 au 2025.
- Awe na cheti halisi cha kumaliza elimu ya sekondari (Secondary Leaving Certificate).
- Awe na cheti halisi cha matokeo (Academic Certificate).
- Awe na ufaulu wa Daraja la Kwanza hadi Daraja la Nne.
- Kwa mwenye Daraja la Nne, anatakiwa kuwa na alama kuanzia 26 hadi 32 pamoja na cheti halisi cha kumaliza elimu ya msingi.
C. Vijana wenye Elimu ya Kidato cha Sita
- Umri usiwe zaidi ya miaka 22.
- Awe amemaliza elimu ya sekondari kati ya mwaka 2022, 2023, 2024 au 2025.
- Awe na cheti halisi cha kumaliza elimu ya sekondari (Secondary Leaving Certificate).
- Awe na cheti halisi cha matokeo (Academic Certificate).
- Awe na ufaulu kuanzia Daraja la Kwanza hadi Daraja la Nne.
- Awe na cheti halisi cha kumaliza elimu ya msingi.
D. Vijana wenye Elimu ya Stashahada (Diploma)
- Umri usiwe zaidi ya miaka 25.
- Awe na vyeti vya elimu ya msingi na sekondari.
- Awe na cheti cha chuo au cheti cha matokeo ya chuo.
E. Vijana wenye Elimu ya Shahada (Degree)
- Umri usiwe zaidi ya miaka 26.
- Awe na vyeti vya elimu ya msingi na sekondari.
- Awe na cheti cha chuo au cheti cha matokeo ya chuo.
F. Vijana wenye Elimu ya Shahada ya Uzamili (Master’s Degree)
- Umri usiwe zaidi ya miaka 27.
- Awe na vyeti vya elimu ya msingi na sekondari.
- Awe na cheti cha chuo au cheti cha matokeo ya chuo.
3. Afya na Mwonekano wa Mwombaji
Mwombaji anatakiwa kuwa na afya njema na akili timamu. Pia, hatakiwi kuwa na alama yoyote ya michoro mwilini (Tattoo).
4. Tabia na Nidhamu
Mwombaji anatakiwa kuwa na tabia na nidhamu nzuri, hajawahi kupatikana na hatia mahakamani wala kufungwa.
5. Kitambulisho cha Taifa (NIDA)
Mwombaji anatakiwa kuwa na Kitambulisho cha Taifa au namba ya utambulisho kutoka Mamlaka ya Vitambulisho vya Taifa (NIDA).
6. Cheti cha Kuzaliwa
Mwombaji anatakiwa kuwa na cheti halisi cha kuzaliwa (Original Birth Certificate).
7. Kutokuwa Amewahi Kutumikia Vyombo vya Serikali Vilivyotajwa
Mwombaji hatakiwi kuwa amewahi kutumikia Jeshi la Polisi, Magereza, Chuo cha Mafunzo au Kikosi Maalum cha Kuzuia Magendo, wala kuajiriwa na idara nyingine za Serikali.
8. Kutokuwa Amewahi Kupitia Mafunzo ya JKT
Mwombaji hatakiwi kuwa amewahi kupitia mafunzo ya JKT katika operesheni zilizopita, iwe kupitia kundi la kujitolea au kundi la lazima (Mujibu wa Sheria).
9. Kutotumia Dawa za Kulevya
Mwombaji hatakiwi kujihusisha au kuwa amejihusisha na matumizi ya dawa za kulevya, bangi na dawa nyingine zinazofanana na hizo.
10. Angalizo Kuhusu Nyaraka za Mwombaji
Kijana yeyote atakayebainika kuwa na nyaraka za kughushi atachukuliwa hatua kali za kisheria kwa mujibu wa taratibu zilizopo.
Vifaa vya Kwenda Navyo JKT Baada ya Kuchaguliwa na Kuandikishwa
Vijana watakaofanikiwa kuchaguliwa na kuandikishwa kujiunga na mafunzo ya JKT kwa kujitolea mwaka 2026/2027 wanatakiwa kuripoti kambini wakiwa na vifaa vifuatavyo:
- Bukta za rangi ya Dark Blue: Ziwe na mpira kiunoni (elastic), mfuko mmoja nyuma, urefu unaoishia magotini na zisiwe na zipu. Kwa vijana wa kike, bukta ziwe na mpira kiunoni na kwenye pindo za miguu.
- Raba za michezo: Zenye rangi ya kijani au bluu (Blue).
- Mashuka: Shuka mbili za kulalia zenye rangi ya bluu bahari.
- Soksi: Soksi ndefu zenye rangi nyeusi.
- Nguo za kuzuia baridi: Kwa vijana watakaopangiwa kwenda katika mikoa yenye hali ya hewa ya baridi.
- Tracksuit: Ya rangi ya kijani au bluu.
- Flana: Ya rangi ya kijani kibichi, yenye kola ya duara na isiyo na maandishi.
- Chandarua: Chenye rangi ya kijani au bluu.
Hitimisho
Vijana wanaotarajia kujiunga na Jeshi la Kujenga Taifa kwa kujitolea mwaka 2026/2027 wanashauriwa kuhakikisha wanatimiza sifa zote zilizotajwa na kuwa na nyaraka halisi zinazohitajika.
Pia, vijana watakaofanikiwa kuchaguliwa wanapaswa kujiandaa mapema kwa kununua vifaa vilivyoelekezwa ili waweze kuripoti kambini wakiwa wamekamilisha mahitaji yao.
Ni muhimu kufuatilia maelekezo rasmi kutoka Jeshi la Kujenga Taifa na Ofisi za Wakuu wa Mikoa na Wilaya kwa taarifa zaidi kuhusu zoezi la kujiunga na mafunzo hayo.
